د راپورونو له مخې په جازان ښار کې د ملک عبدالله په نامه پر یوه هوایي ډګر د حوثي یاغیانو ډرون الوتکو برید کړی چې له امله یې د شپږو عرب وګړو په ګډون لس کسه ټپیان شوي دي. راپورونه وایي چې په پېښه کې د هوایي ډګر ځینې برخې زیانمنې شوې هم دي. دا برید حوثي یاغیانو ترسره کړی چې د ایران ملاتړ له ځان سره لري. سعودي عربستان تر اوسه په دې اړه خپل دريځ نه دی روښانه کړی. حوثي یاغیان وخت ناوخت یمن ته د سعودي عربستان د نږدې ښارونو پر هوایي ډګرونو او ځینو دولتي تاسیساتو ورته بریدونه کوي.
سعودي عربستان کې؛ پر یوه هوایي ډګر په برید کې لس کسه ټپیان شوي دي
Get real time update about this post categories directly on your device, subscribe now.
- Trending
- Comments
- Latest
