افغان حکومت وایي تېر ميلادي کال د میلیونونو ډالرو په ارزښت وچه مېوه بهر ته صادره شوې ده. د ا.ا د ویاند مرستیال احمدالله وثیق په تازه څرګندونو کې ویلي چې افغانستان تېر کال د شاوخوا ۴۵۰ میلیونو ډالرو په ارزښت د وچې مېوې صادرات لرل.
دده په وینا تمه کېږي چې دغه صادرات روان کال تر دې هم ډېر شي او د سوداګرۍ د اسانتیا لپاره هڅه کوي. افغانستان په سیمه کې د هغو هېوادونو له ډلې دی چې د وچې او تازه مېوې پرېمانه تولیدات لري خو د امکاناتو د نه موجودیت له امله یې صادرات ټکني دي.
په وروستیو کلونو کې د هوایي دهلیزونو د رامنځ ته کولو له لارې دغه توکو ته نړیوال بازارونه موندل شوي دي، خو نوی حکومت وایي چې دا سلسله به دوام کوي او افغان سوداګرو ته به د سوداګرۍ مصوونه زمینه برابروي.
