د امریکا په پنسلوانیا کې په یوه وسله وال برید کې ۲ کسان وژل شوي او لس نور ټپيان دي. د راپورونو له مخې د پنسلوانیا په پیتسبرګ ښار کې په یوه کور کې محفل روان و، چې یوه وسله وال پر ګډونوالو ډزې کړې دي. په دې پېښه کې ۱۲ کسه ټپيان شوي، چې دوو تنو یې په روغتون کې سا ورکړې ده.
په دې محفل کې هغو کسانو ګډون کړی و، چې عمرونه یې له اتلسو کلونو ټيټ وو. دغه راز د تېښتې پر مهال هم ځينې کسان ټپیان شوي، چې روغتون ته لېږدول شوي دي.
د پنسلوانیا پولیس وایي د پېښې په اړه یې پلټنې پيل کړې دي. دا په وروستیو دوو ورځو کې دویم برید دی چې په امریکا کې ترسره کېږي او ټول ټال ۲۵ کسانو ته پکې مرګ ژوبله اوړي.
