د ډیورنډ فرضي کرښې پورې غاړه شمالي وزیرستان کې د امنیتي ځواکونو او ترهګرو ترمنځ نښته کې څلورو پاکستاني پوځیانو ته مرګ ژوبله اوښتې ده. د پوځ ویاند ویلي چې دا پېښه د شمالي وزیرستان په دته خیل سیمه کې د پوځیانو پر یوې پوسته باندې د وسله والو د برید له امله رامنځته شوې ده چې په نتیجه کې یې دوه پوځیان وژل شوي او دوه نور ټپیان شوي دي. د پوځ په خبره په پېښه کې وژل شوي دواړه یې د پنجاب د کوټلي سیتا سیمې اوسېدونکي وو. د دغه برید پړه تر اوسه پورې کومې وسله والې ډلې پر غاړه نه ده اخیستې. دا برید پر داسې مهال شوی دی چې د پاکستاني طالبانو تحریک او پاکستاني حکومت ترمنځ د افغان حکومت په منځګړیتوب خبرو کې پر اوږدمهالي اوربند موافقه شوې ده خو له اوربند سره سره ځینې امنیتي پېښې رامنځته کېږي.
وزیرستان کې دوه پاکستاني پوځیان وژل شوي دي
Get real time update about this post categories directly on your device, subscribe now.
- Trending
- Comments
- Latest
