بورګینا فاسو؛ وسله وال برید کې پنځوس ملکیان وژل شوي دي

وسله والو په بورګینافاسو کې پنځوس ملکیان وژلي دي. د رسنیو د راپورونو له مخې تېره شپه ناوخته وسله والو پر یوه کلي برید کړی دی چې له امله یې پنځوس ملکیان وژل شوي دي. رسنۍ وايي چې ښایي د پېښې تلفات تر دې ډېر وي، ځکه ډېرو خلکو تر برید وروسته د خپلوانو مړي له سیمې وړي دي. تر اوسه ددې برید مسوولیت چا نه دی اخیستی خو په نړیواله کچه غندل شوی دی. په دې سیمه کې څو ورځې وړاندې پر پولیسو برید شوی و، چې یوولس پولیس پکې وژل شوي وو، حکومت ددې پېښې په غبرګون کې عملیات وکړل او څلوېښت وسله وال یې ووژل، اوس وسله والو په بدل کې بېرته د یوه کلي شاوخوا ۵۰ کسان په ډزو وژلي دي.