طالبانو سرپل کې پنځه مسافر تښتولي

د سرپل ولایت سیمه ییز چارواکي وایي چې وسله والو طالبانو تېره شپه د یاد ولایت د صیاد ولسوالۍ له مربوطاتو نه پنځه تنه مسافر له موټره ښکته کړي او له ځان سره یې نامعلوم لوري ته بیولي دي. چارواکي وایي چې یاد کسان د مرکز له پنځه کیلومترۍ نه تښتول شوي دي. د یاد ولایت د ولایتي شورا منشي معصومه رمضاني وایي چې تښتول شوي کسان ټول ملکي وګړي دي. هغې وویل، تر اوسه د برمته شویو کسانو د تښتونې علت معلوم نه دی. دا په داسې حال کې ده چې شاوخوا يوه میاشت مخکې وسله والو طالبانو د بلخ ولایت له مربوطاتو نه هم ۲۵مسافر تښتولي وو چې تر اوسه یې برخلیک معلوم نه دی.