د اوسپنې پټلۍ اداره: د اوسپنې پټلۍ نیمګړې پروژې به ژر بشپړې کړو

د اوسپنې پټلۍ اداره وايي، چې په هېواد کې به خپلې نیمګړې پروژې ژر تره ژره پشپړې او دغه راز زرګونه هېوادوالو ته به کاري فرصتونه برابر کړي. د دې ادارې ویاند عبدالسمیع دُرانی وايي، چې د اوسپنې پټلۍ د نیمګړو پروژو د بشپړېدو لپاره جدي هڅې پیل شوي او په لنډ وخت کې به یې کارونه پیل شي. د نوموړي په خبره، چې دغه راز د دغې ادارې کارونه ټول د افغانانو له لوري ترسره کیږي او هڅه کوي، چې په دې برخه کې ګڼ شمېر افغانان ځوانانو ته د یوشمېر هېوادونو پر مټ مسلکي زده کړې ورکړي. دُرانی زیاتوي، چې په تېرو کلونو کې به د ډېری پروژو عواید د بهرنیو کمپنو له لوري راټولیدل، خو اوس دغه چارې ټولې دوی په خپله ترسره کوي.