امریکا: بيا به په افغانستان کې پوځي مداخله ونه کړو

دوحه کې د افغانستان لپاره د امريکا د سفارت سرپرستې کارين ديکر ويلي، هېواد به يې بيا په افغانستان کې پوځي مداخله ونه کړي. هغې زياته کړې، هڅه کوي چې له ط البانو سره خبرو ته ادامه ورکړي او هغوی وهڅوي چې امنيت ټينګ کړي او د افغانانو بشري حقونو ته درناوی وکړي. د ديکر په خبره چې ښوونځيو ته د نجونو تګ او دغه راز د امنيت ټينګول هغه دوې مسئلې دي چې امريکا پرې له ط ال بانو سره خبرې کوي. د امريکا د سفارت سرپرستې په ټينګار سره ويلي چې څوک دې ترې افغانستان کې د پوځي مداخلې تمه نه لري. د نوموړې دا څرګندونې ظاهراً د دوستم د هغې خبرې په غبرګون کې دي چې ويلي وو، که نړيواله ټولنه ورسره مرسته وکړي نو ط البان به په دوو اونيو کې له شمالي ولايتونو وباسي. دغه راز د وحدت ګوند مشر محمد محقق هم عراق کې يوې غونډې ته ويلي وو چې نړيواله ټولنه دې پر ط البانو اقتصادي او نظامي فشارونه روان وساتي چې يا د ټولګډونه حکومت جوړولو ته غاړه کېږدي او يا وپرځېږي.