د روسيې ولسمشر ولاديمير پوتين ويلي چې په افغانستان کې د ټولګډونه حکومت جوړيدل د مسکو او سيمې د ټولو هېوادونو لومړيتوب دی. پوتين پرون د ټوليز امنيت تړون د مشرانو غونډې ته ويلي چې په افغانستان کې د يوه داسې ټولګډونه حکومت د جوړيدو په اړه د ډاډ ترلاسه کول اړين دي چې په مناسبو کچو د افغانستان د ټولو قومونو استازي پکې شامل وي. هغه له افغانستانه د ټوليز امنيت تړون غړو هېوادونو ته د ترهګرۍ پر ورپېښ ګواښه هم اندېښنه وښوده او ويې ويل چې د مخنيوي لپاره يې بايد ګډې هڅې وشي. پوتين وويل، دی په دې باور دی چې د افغانستان په تړاو په ټولو برخو کې د ټوليز امنيت تړون د غړو هېوادونو همغږي او همکاري جدي اړتيا ده چې له افغانستان د ترهګرۍ پېښېدونکي ګواښ په شنډولو کې د پام وړ مرسته کولی شي. د روسيې د ولسمشر دا څرګندونې په داسې حال کې دي چې د ا.ا خپل حکومت ټولګډونه بولي او دغه راز ډاډ ورکوي چې د افغانستان له خاورې به هېچا ته ګواښ ور پېښ نه شي.
پوتین په افغانستان کې پر ټولګډونه حکومت جوېدو ټیګار کړی
Get real time update about this post categories directly on your device, subscribe now.
- Trending
- Comments
- Latest
