د ملګرو ملتونو د سرمنشي ځانګړي استازي د نجونو د تعلیم او د نورو محدوديتونو د وضع کېدو په اړه اندېښنه ښودلې، خو د کورنیو چارو سرپرست وزیر بیا ویلي چې د دغې ستونزې د هواري لپاره پر معقولې او دايمي حل لارې کار روان دی. د کورنیو چارو وزارت له خوا په خپره شوې خبرپاڼه کې راغلي چې د کورنيو چارو وزارت سرپرست وزیر د ملګرو ملتونو د سرمنشي ځانګړي استازي مارکس پوتزل د یوناما د سیاسي چارو مرستیال سکاټ سمیټ او مل پلاوي سره وکتل. سرچينه کاږي پوتزل د کورنیو چارو وزارت له مشرتابه څخه د دوی د همکاری او د امنيتي وضعيت د ښه والي له امله مننه وکړه او د نجونو د تعلیم او د نورو محدودیتونو د وضع کېدو په اړه يې خپلې اندېښنې شریکې کړې. د سرچيني به حواله د کورنیو چارو سرپرست وزیر وویل د ا.ا رهبري د ولس د رفاه او خیر لپاره فکر کوي او ورته ژمن دی. ده وویل د ستونزو د هواري لپاره هڅې روانې دي يوې معقولې او دايمي حل لاره باندې کار روان دی داسې چې شرعي احکامو او د خلکو کلتور سره مطابقت ولري.
حقاني: د نجونو د زده کړو ستونزې پر دایمي حل لارې کار روان دی
Get real time update about this post categories directly on your device, subscribe now.
- Trending
- Comments
- Latest
