د قزاقستان رسنیو خبر ورکړی، چې هېواد یې په افغانستان کې، د سوداګرۍ خونې پر پرانیستلو غور کوي. د قزاقستان د بهرنیو چارو د وزارت ویلي، چې دغه پریکړه په کابل کې د سرپرست حکومت له چارواکو سره د دغه هیواد د یوه پلاوي په کتنه کې شوې ده. د خپرو شویو معلوماتو له مخې، د قزاقستان حکومت یو پلاوی چې مشري یې د دغه هېواد د لومړي وزیر مرستیال او سوداګرۍ وزیر کوله په کابل کې له د سرپرست حکومت له ځينې چارواکو سره ولیدل. دغه پلاوي دغه راز پرون د کابل په هوايي ډګر کې د قزاقستان یوه اندازه بشري مرستې، د سوداګرۍ وزارت سرپرست ته سپارلي دي. د قزاقستان د بهرنیو چارو وزارت ویاند همداراز ویلي چې هېواد به یې اوړه، غنم، د اورګاډي تخنیکي وسایل، د خپلې سوداګرۍ خونې له لارې افغانستان ته واستوي.
قزاقستان په افغانستان کې د سوداګرۍ خونه پرانیزي
Get real time update about this post categories directly on your device, subscribe now.
- Trending
- Comments
- Latest
