هلمند کې سږ کال د شفتالو په حاصلاتو کې زیاتوالی راغلی

د هلمند ولایت د کرنې ریاست مرستیال وايي، چې  سږ کال په دې ولایت کې د تیرو کلونو په پرتله د شفتالو حاصلات لس سلنه زیات شوي دي. د باختر اژانس د خبره له مخي، چې ددې ولایت په مرکز لښګرګاه، ناوې، نادعلي، ګرمسېر او نهر سراج ولسوالیو کې په ۲ دوه زره جریبه ځمکه باندې شفتالو، انګور، پلم، انځېر او د انارو باغونه د هلمند ولایت د کرنې د ریاست او یو شمېر همکاره موسسو په مرسته جوړ شوي دي. په همدې حال کې د هلمند ولایت یو شمېر بزګران ددې باغونو له جوړېدو څخه د خوښۍ تر څنګ وايي، چې له دوی سره دې د کرنې په برخه کې لا ډېرې مرستې وشي.