د پاکستان د جماعت اسلامي رهبر د افغان حکومت او طالبانو ترمنځ د مذاکراتو د پيل په برخه کې د همکارۍ ژمنه وکړه. د ولسمشر ځانګړي استازي محمد عمر داودزي پاکستان ته د خپل څلور ورځني سفر په ترڅ کې د جماعت اسلامي ګوند له مشر مولوي سراج الحق سره وليدل. په دغه ليدنه کې داودزي له مولوي سراج الحق نه غوښتل چې ترڅو د افغان حکومت او طالبانو ترمنځ د خبرو په پېل کې همکاري وکړي. بلخوا د جماعت اسلامي ګوند مشر په افغانستان کې سوله مهمه وبلله او زياته کړه چې د افغانانو غږ اوس د سولې لپاره واحد شوى دى. ده وويل، حاضر دى چې د افغان حکومت او طالبانو ترمنځ د سولې د خبرو په پېل کې همکاري وکړي.عمر داودزي د خپل دې سفر په ترڅ کې د پاکستان د بهرنيو چارو د وزير محمود قريشي په ګډون له يو شمير نورو پاکستاني چارواکو سره هم ليدلي دي.
مولوي سراج الحق: د حکومت او طالبانو ترمنځ د سولې په برخه کې همکارۍ ته تیار یم
Get real time update about this post categories directly on your device, subscribe now.
- Trending
- Comments
- Latest
