د هانګ جو د اسيايي لوبو د مشال سپارلو مراسم د سپتمبر په څلورمې نېټې د چين د جه جيانګ ولایت په نينګ بو ښار کې ترسره شول، چې پدې سره به د دغو لوبو څه باندې ۲۰۰۰ سپيڅلي مشالونه د جه جیانګ ولایت ۱۱ ښارونو ته وليږدول شي او دا پدې مانا ده، چې د دغو لوبو د سپيڅلي مشال د ليږدولو فعاليت ته د تياري چارې بشپړې شوې دي.
د هانګ جو د اسیايي لوبو مشال په چيني ژبه د شين هوه په نوم نومول شوی، چې لوړوالی يې ۷۳۰ ميلي متره او وزن يې ۱۲۰۰ ګرامه ښودل شوی دی.
د دغه مشال پاسنۍ برخه په طلايي او منځنۍ او لاندېنۍ برخه يې په ارغواني رنګونو پوښل شوې ده او په ( ليانګ جو) کلتوري ځانګړتياوو ډيزاين شوی، چې د چیني ملت د پنځه زره کلن تاريخ د ثبوت ښکارندويي کوي.
د معلوماتو له مخې، د هانګ جو د اسيايي لوبو د مشال د ليږدولو فعاليت به د روانې مياشتې په اتمې نېټې په هانګ جو ښار کې پيل شي.
دغه مشال به د جه جيانګ ولایت هر ښار ته د يوې ورځې لپاره وليږدول شي او د سپتمبر په ۲۰ مې نېټې به بېرته هانګ جو ته يوړل شي.
