د خوړو نړيوال پروګرام له يو ميليون کډوالو سره مرسته کوي

د خوړو نړیوال پروګرام وايي، دغه اداره چمتووالی لري، له یو میلیون هغو افغانانو سره مرسته وکړي، چې خپل هېواد ته ستنيږي. د يادې ادارې مشرې ويلي، چې تر دې دمه له پاکستانه په ۶۰ زره راستنېدونکو افغان کډوالو يې خوراکي توکي وېشلي دي. دغه راز نوموړې زياته کړې، په داسې حال کې چې ژمی راروان دی خو د زلزله ځپلو افغانانو سره د مرستې لپاره کافي مالي منابع نه دي چمتو شوي. دغه پروګرام په داسې حال کې د مرستې خبرداری ورکوي چې پاکستان د هغو افغانانو را شړلو لړۍ پیل کړې چې په دغه هېواد کې يې د کډوالۍ شپې ورځې تېرولې. د راپورونو له مخې، تر اوسه څه باندې ۲۰۰ زره افغانان هېواد ته ستانه شوي دي.