د سرپرست حکومت د اقتصادي مرستیال په مشرۍ پېښو ته د رسېدنې عالي کمېسیون فوق العاده غونډه کې سېلاب ځپلو ته د رسېدنې په موخه کمېټې جوړې شوې. اقتصادي مرستیال په بغلان، غور، بدخشان، فاریاب، هرات او تخار ولایتونو کې سېلاب ځپلو ته په اشارې ویلي، مسوولیې ادارې مکلفې دې، چې د طبیعي پېښو د رامنځته کېدو پر مهال هېوادوالو ته د پر وخت مرستې رسولو لپاره پوره چمتو وي. دغې غونډه کې د سېلابونو له امله زیانمنو هېوادوالو ته د بېړنیو مرستو رسولو په موخه د کورنیو چارو او پېښو ته د رسېدو په چارو کې د دولت وزارتونو او سرې میاشتې په مشرۍ د ژغورولو، مرستو د جلب او جذب، روغتیا او ټپیانو د رسېدنې، د تکفین او تدفین او د خوراکي توکو د چمتو کولو او رسولو کمېټې جوړې شوې. یاد کمېسیون د ټاکل شویو کمېټو غړو وزارتونو او ادارو ته لارښوونه کړې، چې ژر تر ژره دې د پېښي ځای ته ځان ورسوي او د خپل وس مطابق دي د زیانمنو هېوادوالو لاسنیوی وکړي.
سېلاب ځپلو ته د رسېدنې په موخه کمېټې جوړې شوې
Get real time update about this post categories directly on your device, subscribe now.
- Trending
- Comments
- Latest
