د افغانستان بانک ته پرون د نغدو پیسو د مرستو په دوام کې د څلوېښت میلیونه ډالره نورو مرستو په رارسېدو سره د دغو پیسو شمېر ۱ ملیارد او ۶۷۳ میلیون ډالرو ته ورسید. د افغانستان بانک پر اساس، دا نغدې پیسې، چې افغانستان ته د بشري مرستې په توګه رالېږل کېږي، په کابل کې یوه سوداګري بانک ته سپارل کېږي. د ۲۰۲۱ د اګست په ۱۵ مه د ا.ا له واک ته رسېدو وروسته نړیوالې ټولنې افغانستان ته د بشري مرستې په نوم ۴۸ جوپې مرسته رالیږلې چې په ځینو جوپو کې ۴۰ میلیونه او په ځینو کې ۳۲ میلیونه ډالره شاملې وې. د افغانستان د بیارغونې لپاره د امریکا ځانګړي سرمفتش جان سوپکو په وروستیو کې ویلي و چې ده ته څرګنده شوې چې امریکا د طالبانو له واک ته رسیدو وروسته افغانستان ته یو میلیارد او سل میلیون ډالره استولي خو ممکن تر دې یې ډېرې لیږلي وي. سوپکو ویلي چې د امریکا ادارې حاضرې شوې نه دي چې د دغو پیسو په اړه ده ته حساب ورکړي.
افغانستان سره مرسته شوې نغدې پیسې له یو نیم میلیارد ډالرو واوښتې
Get real time update about this post categories directly on your device, subscribe now.
- Trending
- Comments
- Latest
