امریکایي سناتور: ترکیه دې د S-400سیستم له پېرلو او بندیزونو یو انتخاب وکړي

امریکایي سناتور باب مننډز وایي، ترکیه دوه انتخابه لري او هغه دا چې دا هېواد دې یا S-400دفاعي سیسټم وپېري او یا دې بندیزونو ته ځان چمتو کړي. نوموړي ویلي که چېرته ترکیه دا سیسټم وپېري نو د امریکا لخوا به ورباندې بندیزونه ولګېږي او که چېرته ترې تېرېږي نو له امریکا او متحدینو سره یې اړیکې لا ښه کېدلی شي. هغه زیاته کړې، دوی ترکیې ته دا دوه انتخابه ورکړي دي اوس نو دوی خپله پوهېږي چې کوم یې انتخابوي. دا په داسې حال کې ده چې ترکیې په ۲۰۱۷ میلادي کال کې له روسیې نه د S-400 دفاعي سیسټم د پېرلو تړون لاسلیک کړی دی. وړاندې تر دې هم امریکا پر ترکیې د F-35ډوله الوتکو د نه پېرلو ګواښ کړی وو خو ترکیې ویلي وو چې که امریکا ورباندې دا الوتکې نه خرڅوي نو دوی یې له روسیې هم اخیستلی شي.