د ایران د پارلمان د ملي امنیت او بهرني سیاست د کمېسیون ویاند حسن قشقاوي د نومبر په ۱۵مې نېټې خبري رسنيو ته ویلي، چې یاد کمېسیون د هرمز تنګي د اړوندې طرحې مسلکي ارزونه بشپړه کړې او پر اړوندو سمندري لارو د تګ راتګ په اړه «له دوو ساحلي هېوادونو سره هوکړې ته رسېدلی دی».
قشقاوي څرګنده کړې، ایراني لوري تر دې وړاندې د ایران په پلازمېنه تهران او د عمان په پلازمېنه مسقط کې څو پړاويزې خبرې اترې کړې وې. دغه سمندري لارې به لومړی په لنډمهاله توګه پلې شي او وروسته به پر دایمي ترتیب واوړي. اوسمهال، کمېسیون د اړوندې طرحې مسلکي ارزونه بشپړه کړې او د پارلمان د رئیسه پلاوي له خوا به د عمومي غونډې په اجنډا کې شامله شي او بیا به پارلمان ته د رایې ورکولو لپاره وړاندې شي.































