د ایران په اړه د وېن مذاکرات مهم پړاو ته رسېدلي دي. یوې امریکايي سرچینې رسنیو ته ویلي مذاکرات داسې پړاو ته رسېدلي دي چې باید ټول ګډون کوونکي هېوادونه مهم او سخت سیاسي تصمیم ونیسي.
دغه سرچینه وايي په مذاکراتو کې داسې ښکاري چې ایران له خپل دريځ تېرېدونکی نه دی نو له همدې امله امریکا دغه ځواب ته هم تیاره ده. د ایران او پنځو هېوادونو ترمنځ د اټومي تړون پر سر خبرې له څو میاشتو راهیسې پيل شوې خو تر دې دمه پایله نه لري.
امریکا خبرداری ورکړی چې که ایران نړیوالو قوانینو ته درناوی ونه کړي او له اټومي فعالیتونو لاس په سر نه شي نو له سختو پایلو سره به مخ شي.
