د چين د پانګونې او سوداګرۍ ۲۵م نړيوال نندارتون د سپتمبر له ۸مې څخه تر ۱۱مې نېټې پورې د چين په شيامن ښار کې تر سره شو. د يونيليور (Unilever) شرکت مرستيال څنګ شي ون د دې نندارتون په څنډه کې د چين مېډيا ګروپ خبريال ته ويلي، چې” په چين کې مشتريان د توليداتو له نوښتونو او اصلاحاتو سره علاقه لري، نو موږ بايد د ماراتون ځغاستې د لوبغاړو رول ولوبوو. “
د زياتو نړيوالو شرکتونو مشرانو خبريال ته ويلي، چې شرکتونه يې د اوږد مهالې ستراتيژۍ له نظره په چين کې پر دايمي پرمختګ ټينګار کوي او هم د چين د باکيفيته پرمختګ په جريان کې نوښت او بدلون مومي.
د ۱۲۳ هېوادونو او سيمو څه باندې ۱۱۰۰ حکومتي سازمانونو او تجارتي تصديو د چين د پانګونې او سوداګرۍ په ۲۵م نړيوال نندارتون کې ګډون کړی. په دې نندارتون کې د نوي با کيفيته توليدي ځواکونو نندارځي مساحت د تېرې دورې په پرتله پراخ شوی او د توليدي صنعت د مسلکي، ځانګړو او نوښتګرو تصديو د نړيوالو همکاريو په نندارځي کې د ګډونوالو تصديو شمېر د تېرې دورې په پرتله يو چند زياتوالی ښيي. په دغه نندارتون کې د ۶۴۴ ميلياردو يوانو په ارزښت ۱۱۵۴ پروژو تړونونه لاسليک شوي دي. دغه نندارتون د پانګونې د فرصتونو د موندلو یوه مهمه لاره ګرځېدلې ده.
نوموړی نندارتون د چين يوازينی د دولت په کچه پر پانګونې متمرکز نندارتون دی.
((له چین سره همکاري؛ د راتلونکي لپاره پانګونه )) د دغه نندارتون اصلي موضوع ده او د ګډونوالو له پراخ هرکلي سره مخ شوې. په نړۍ کې د موټرو د فالتو پرزه مشهور اکمالاتي شرکت، د جرمني د زي اېف ګروپ (ZF Group ) مرستيالې اجرايوي مشرې وانګ ژون يي ويلي، چې د اقتصاد د حياتي ځواک، کلتوري ټولشموليت او تګلارو له لحاظه د چين بازار بې بدیله ارزښت لري.
د دغه نندارتون راپور ښيي، چې د ۲۰۲۴م کال تر پايه پورې د چين له خوا د راجلب شويو بهرنيو پانګو کلنۍ اندازه په تېرو مسلسلو ۱۵ کلونو کې له ۱۰۰ ميلياردو ډالرو څخه زياته شوې، چې دا حجم د نړۍ مخکښ ځای نيسي.
بهرنۍ تصدۍ څنګه د ماراتون ځغاستې د لوبغاړو په شان په چين کې خپل پرمختګ ومومي؟
بازار د لرې واټن د ځغاستې لومړۍ موخه ده. د چين د لويې پيمانې بازار د بدلون او لوړوالي په بهير کې بالقوه توان ښيي. په چين کې د سينګاپور د ويلمار انټرنېشنل (Wilmar International) شرکت مشر مو يان کوې ويلي، له دې سره چې د چيني مشتريانو عايدات زيات شوي او د ښه کيفيت ژوند ته د هغوی د اړتيا کچه لوړه شوې، د غلودانو او غوړيو د چمتو کولو صنعت او د روغتيا چارو په برخه کې فرصتونه مخ پر زياتېدو دي.
د لرې واټن په ځغاسته کې لوبغاړي دوامداره نوښت ته اړتيا هم لري.
د جرمني د زي اېف ګروپ مرستيالې اجرايوي مشرې وانګ ژون يي خبريال ته ويلي، چې د چين په بازار کې د نوښتونو چټک سرعت د هغې د شرکت ابتکاري قوه تحريک کړې ده. د دغه شرکت د شمېرنې له مخې، د چين د موټرو په صنعت کې په هرو ۶ مياشتو کې د اصلاحاتو مهم برياليتوب ترلاسه شوی او د دغه چټک پرمختګ په رڼا کې د دوی شرکت په تېرو ۱۰ کلونو کې په منځنۍ توګه په هرو ۱۰ مياشتو کې يوه نوې فابريکه جوړه کړې ده.
د لرې واټن په ځغاسته کې لوبغاړي وړاندې نظريې ته اړتيا لري. د بهرنيو تصديو مشرانو په خبرو کې ډېر ويلي، چې د چين د ورخلاصون دوامدارې پياوړتيا د تصديو د پرمختګ ته څرګند عوامل ورکړي دي. د يادولو وړ خبره دا ده، چې له روان کال راهيسې چين د خدماتي چارو ورخلاصون پياوړی کړی او د بهرنيو تصديو لپاره د پرمختګ نوی خوځنده ځواک برابر کړی دی.
ډېرې نړيوالې تصدۍ په چين کې د خپلو کاروبارونو د پراختيا په هڅه کې دي. د سعودي عربستان آرامکو شرکت (Saudi Aramco) د چين په لياو نينګ ولايت کې د پطرولو د کيمیاوي تصفيه خونې د جوړولو په پروژه کې لس ميليارده ډالره پانګه اچولې او دغه خونه به په راتلونکي ۲۰۲۶م کال کې ګټې ته وسپارل شي. د ډانهير (Danaher ) په نوم نړيوال شرکت په شانګهای کې د څېړنې او توليد مرکز د پراختيا لپاره ۲۰۰ ميليونه يوانه پيسې لګولې دي.
د ۲۰۲۵م کال لپاره د چين د خدماتي سوداګرۍ نندارتون په بېجينګ کې پرانيستل شوی او د چين اتم نړيوال وارداتي نندارتون به په راتلونکي نومبر کې په شانګهای کې تر سره شي. همدارنګه په چين کې لا زيات فرصتونه د بهرنيو تصديو پر مخ برابرېږي.
د زياتو نړيوالو شرکتونو استازو ويلي، چې دوی د چين بازار د فټنس په شان د سپورټي لوبو مرکز بولي، ځکه د چين په بازار کې د پوره پرمختګ او سيالۍ له لارې به ډاډمن توان خپل کړي او په نړيوالو سياليو کې به برياليتوب ترلاسه کړي.
