د چین کمونېست ګوند د مرکزي کمېټې عمومي منشي شي جين پينګ باکیفیته پرمختګ د چیني شکله عصري کېدو اړينه غوښتنه بولي او بیا بیا یې ويلي، چې چینایان باید د پيچلي نړیوال وضعیت پر وړاندې خپله اراده ټینګه وساتي، خپلې چارې باید ښې ترسره کړي او د بې ثابتۍ عواملو پر وړاندې د مقابلې لپاره باید پر باکیفیته پرمختګ ټینګار ولري.
د چین کمونېست ګوند مرکزي کمېټې سږ کال پر باکیفیته پرمختګ تمرکز ډېر کړی او د هېواد د اقتصادي ابادۍ لوری یې روښانه او کنټرول کړی دی.
د چین د شمېرنې ملي ادارې د تېرې جولاۍ په ۱۵مې نېټې د روان کال د لومړۍ نیمايي اقتصادي شمېرې خپرې کړي، چې له مخې یې په نیم کال کې د دغه هېواد د کورني تولید عمومي ارزښت ۶۶ ټریلیونو، ۵۳ میلیارډو او ۶۰۰ میلیونو یوانو ته رسېدلی، چې دا د تېر کال د همدې مودې په نسبت ۵ اعشاریه ۳ سلنه زیاتوالی ښيي.
چین د کال په نیمايي کې دغه بریالیتوب له ستونزو سره سره تر لاسه کړی او نړۍ ته يې د خپل اقتصاد ثبات او باور ښکاره کړی دی.
اوسمهال په نړۍ کې داسې بدلون روان دی، چې په تېرو سلو کالونو کې يې ساری نه دی لیدل شوی، نو په داسې حال کې نړۍ څنګه پرمختګ کولی شي؟
عمومي منشي شي جين پينګ په دې اړه ژور غور کړی دی. نوموړي د تېر اپریل په ۲۵مې نېټې د چین د کمونېست ګوند د مرکزي کمېټې د سیاسي بیورو د یوې غونډې په جریان کې د هېواد اقتصادي حالات او کارونه جدي تعدیل او مطالعه کړل.
په ياده غونډه کې پر دې ټينګار وشو، چې پوله ساتې مفکوره باید پياوړې شي، د ناڅاپي پېښو پر وړاندې د وړاندوينې او مقابلې لایحې باید وټاکل شي او اقتصادي کارونه باید ښه او ثابت ترسره شي. برسیره پر دې، د بهرني چاپېریال د ګړندي بدلون له امله د رامنځته شویو بې ثباتيو د عواملو پر وړاندې د مقابلې لپاره باید د باکیفیته پرمختګ توان هم پياوړی شي.
باکیفیته پرمختګ د نوښتونو او صنعتي چارو له ملاتړ پرته نه شي ترسره کېدای.
عمومي منشي شي جين پينګ په تېر مارچ کې د چین د دوو سیاسي مجلسونو پرمهال درې ځلې په ګروپي بحثونو کې ګډون او په خپلو خبرو کې یې بیا بیا پر علمي نوښتونو ټینګار وکړ.
نوموړي همغه مهال د جیانګ سو ولایت له پلاوي سره په ناسته کې علمي او صنعتي نوښتونه د نوي کیفیت د تولیدي ځواک لپاره د پرمختګ بنسټیزه لاره وبلله.
شي جين پينګ په تېر اپریل کې له شانګهای څخه لیدنه وکړه او هلته يې یې د علمي نوښتونو سیمه ييزې چارې له نږدې وکتلې.
نوموړي تر دې څلور ورځني سفر مخکې، د چین د کمونېست ګوند د مرکزي کمېټې د سیاسي بیورو د شلمې ډله ییزې زده کړې، چې د ځيرکتيا په سرليک ترسره شوه، مشري وکړه او په خپلو خبرو کې يې په ټينګار وويل، چې د ځیرکتیا علمي نوښت او صنعتي نوښت پیوستون باید وهڅول شي او د ستراتيژیکو نويو چارو او د راتلونکو چارو د پرمختګ نوې لاره باید هواره شي.
باکیفیته پرمختګ د رښتيني اقتصاد پر بنسټ ابادېږي او عنعنوي تولیدي چارې د رښتنيني اقتصاد مهمه برخه جوړوي.
سږ کال د چین مختلفو ارګانونو او سیمو د واکمن کمونېست ګوند د مرکزي کمېټې په لارښوونې د ننګونو او ستونزو پر وړاندې کلکې مقابلې کړي او اغېزمنې عمومي تګلارې يې غوره کړي، چې پر مټ يې د چین اقتصاد سمسور شوی او باکیفیته پرمختګ یې نوې لاسته راوړنې خپلې کړې دي.
سږ کال د چین عمده اقتصادي انډولونه ښه روان دي، د نوي کیفیت تولیدي ځواک يې فعال پرمختګ کوي، د ورخلاصون او اصلاحاتو جریان يې نور هم ژور شوی او د پاملرنې وړ ساحو کې يې د ګواښونو د مخنیوي چارې ښې بشپړې شوي او د وګړیو د ژوند تضمین يې هم پياوړی شوی دی.
د چین اقتصاد د يادو چارو په رڼا کې پياوړی حیاتي ځواک او د انعطاف وړتیا ښکاره کړې ده.
