د چین او لاوس د ډیپلوماتیکو اړیکو د ټینګېدو د ۶۵مې کلیزې په درشل کې، د لاوس د خلکو د انقلابي ګوند د مرکزي کمېټې عمومي منشي او د لاوس د دولت رئیس تونګلون سیسولیت چین ته رسمي سفر وکړ او څو ورځې مخکې یې د چین مډیا ګروپ له خبریالې سره ځانګړې مرکه وکړه.
تونګلون سیسولیت د هانګ جو ښار د لوړې ټېکنالوژۍ له څو شرکتونو څخه لیدنه وکړه. هغه وویل، چې د ملي پرمختګ د کلیدي برخو په توګه پر عصري ټېکنالوژۍ، مصنوعي ځیرکتیا او ډیجیټلي اقتصاد د چین تمرکز د لاوس لپاره ارزښتناکه تجربه ده. د ده په اند، په نوموړو برخو کې د لووس او چین د همکارۍ امکانات پراخ دي.
تونګلون په مرکې کې یادونه وکړه، چې هغه مخکې د چین له یوه کلي څخه لیدنه کړې وه. هغه ځای چې د چین د دولت رئیس شي جین پینګ ورڅخه ليدنه کړې او د بېوزلۍ کمولو ځانګړې لارښوونه يې کړې وه. دې سفر هغه ته یو ژور درس ورکړی، چې پالیسۍ باید روښانې او اغېزمنې وي، د جامو او خوړو په اړه د خلکو د ژوند بنسټيزې اړتياوې او د خلکو د کور،عاید او د ماشومانو تعلیم او اصلي طبي خدمتونه ډاډمن کړي. چین لا دمخه دا ټول ترلاسه کړي دي او لاوس د چين د ګټورو تجربو په رڼا کې د دې پالیسۍ د ځایي کولو او پلي کولو په اړه بحث کوي او اړوندې پالیسۍ هم جوړوي.
