د ملګرو ملتونو اسامبلې د سپتمبر په ۱۷مه نېټه یو پرېکړه لیک تصویب کړی چې له مخې یې، د سږنۍ ۸۱مې عمومي اسامبلې د عادي مباحثوي غونډې په ترڅ کې د فلسطین ولسمشر محمود عباس ته اجازه ورکوي چې خپله ثبت شوې ویډیويي وینا د غونډې په تالار کې ګډونوالو ته خپره کړي. سربېره پر دې، د فلسطین مسئلې د سوله ییز حل او د فلسطین او اسرائیل د دواړو دولتونو د جوړونې لایحې د تطبیق په اړه لوړپوړو نړیوالو غونډو کې، فلسطین په ویډیويي توګه پکې ګډون کولای شي.
د امریکا د بهرنیو چارو وزارت د تېر کال په اګست کې د ملګرو ملتونو په اسامبله کې د ګډون لپاره محمود عباس او نورو فلسطیني مامورینو ته د ویزې ورکول رد کړي و. یاد وزارت سږ کال د سپتمبر په ۱۶مه نېټه اعلان وکړ چې پر عباس او نورو فلسطیني مامورینو د ویزې بندیز ته به دوام ورکړي.
