د چين د کمونېست ګوند د مرکزي کمېټې سياسي بيورو غړي او د بهرنيو چارو وزير وانګ يي د سپتمبر په ۱۷مه نېټه د امريکا له خارجه وزير مارکو انټونيو روبيو سره تلیفوني خبرې کړې او د دواړو هېوادونو د لوړ پوړي تګ راتګ په اړه يې ورسره بحث کړی دی.
وانګ يي ويلي، چې د چين او امريکا ترمنځ اړيکو له تېرې يوې مودې راهيسې د دواړو هېوادونو د مشرانو د توافق له مخې د رغنده ستراتيژيک ثبات پر مدار پرمختګ موندلی او دغه وضعيت د نړيوالې ټولنې هيلې ته مثبت ځواب ورکړی دی.
وانګ يي د مشرانو ډيپلوماسي د چين او امريکا ترمنځ د اړيکو د ثبات بنسټ بللی او په خبره يې، دواړه خواوې بايد د برابرۍ، درناوي او متقابلو ګټو پر بنسټ د لوړ پوړي تګ راتګ د وروستي پړاو تدارکاتي چارې په ښه توګه تر سره کړي او نړۍ ته دې هغه مثبت ګډ پيغام ولېږي، چې دواړه خواوې د رغنده ستراتيژيکو ثابتو اړيکو د ټينګښت او د نړيوالې سولې او پرمختګ د پياوړتيا په هڅه کې دي.
وانګ يي په تلیفوني خبرو کې له روبيو سره د منځني ختيځ د وضعيت په اړه د نظريو تبادله هم کړې ده.
