د چين د پانګونې او سوداګرۍ ۲۶م نړيوال نندارتون د سپتمبر له ۸مې نېټې تر ۱۱مې نیټې پورې د فوجیان ولایت په شيا من ښار کې تر سره شوی. د څو هېوادونو د شرکتونو لوړپوړو مدیرانو څرګنده کړې، چې د چین له نویو فرصتونو به چټکه ګټه واخلي.
د سعودي عربستان د ارامکو شرکت د ښکته برخې سوداګرۍ رئیس محمد قحطاني ویلي، چې شرکت يې په چین کې په عمومي ډول له ۳۳ میلیارډو ډالرو څخه زیاته پانګونه کړې ده. د هغه په اند، چین نه یوازې یو مهم بازار دی، بلکې یو اوږدمهاله ستراتیژیک شریک هم دی.
دا نندارتون په ملي کچه د چين یوازینی نندارتون دی چې د پانګونې په موضوع جوړېږي. د ۱۲۹ هېوادونو او سیمو او ۳۰ نړیوالو سازمانونو څخه له ۱۲۰۰ څخه زیاتو حکومتي ارګانونو او سوداګریزو پلاويو په دې نندارتون کې ګډون کړی و. دا ځل د ګډون کوونکو هېوادونو او پلاویو شمېر دواړه د تېرو ټولو دورو په پرتله ترټولو لوړ دي. د دې دورې نندارتون پيمانه د تېرې دورې په پرتله ۸۰ زره مربع متره زیاته شوې ده او د نندارتون کچې بیا هم نوی ریکارډ جوړ کړی دی.
په چین کې د امریکا د سوداګريزې خونې مشر مايکل هارت اوسمهال دا يو مهم کار بولي، چې له امريکايي شرکتونو سره مرسته وکړي، څو د چین نوی فرصت ونيسي. نو څنګه د چین نوی فرصت استعمال کړي؟ ځواب يې بازار، نوښت او ورخلاصون ياد کړی.
د فنلنډ د (KONE) شرکت اجرائیوي مرستیال مشر باو جیا فنګ چین د “راتلونکي کې د نوښت تر ټولو لوی فرصت” په توګه تشریح کړی او ویلي يې دي، چې اوس د دوی شرکت په چین کې د جوړ شوي د نړۍ پر دوهم لوی څیړنیز مرکز په تکیې د ډیجیټلي کېدو بهير چټک کوي، له ځایي شرکتونو سره همکارۍ تر سره کوي او د ځایي لاسته راوړنو نړیوال کېدو ته وده ورکوي.
