د ګرجستان پارلماني مشر شلوا پاپواشویلي په دې وروستیو کې د چین له مېډيا ګروپ سره يوه ځانګړې مرکه وکړه.
د ۲۰۲۶م کال د جون ۹مه نېټه د چین او ګرجستان ترمنځ د ډیپلوماتیکو اړیکو د ټینګښت د ۳۴مې کلیزې د نمانځنې ورځ ده. پاپواشويلي په دې مرکه کې د چین پرمختیایي لاسته راوړنو ته خپل لوړ درناوی څرګند کړ او باور یې ښودلی چې چین د سیاست، اقتصاد او ټولنيزې ابادۍ په ساحو کې د ډېرو هېوادونو لپاره یوه نمونه ګرځیدلې ده.
پاپواشویلي وویل، چې ګرجستان او چین په وروستیو کلونو کې ستراتیژیکې همکاریزې اړيکې ټينګې کړې، د آزادې سوداګرۍ تړون یې لاسلیک کړی او له ویزې پرته د خلکو د تګ راتګ پالیسي یې پلې کړې ده.
نوموړي زیاته کړه، ګرجستان د چین د پراختیایي تجربې څخه زده کړه کوي او لېواله دی، چې د بنسټيزو تاسيساتو د جوړولو، تعلیم، قانون جوړونې، اقتصادي او سوداګریزې همکارۍ په برخو کې له چين سره عملي همکارۍ لا ژورې کړي.
