د امریکا د بهرنیو چارو وزارت تائید کړې چې په مسکو کې د امریکا د سفیر مرستیال بارت ګورمن د هغه هیواد څخه ایستل شوی. روسیې د امریکا ددې جګپوړي دپلومات د ایستلو لامل نه دی روښانه کړی خو دا اقدام په داسې حال کې کیږي چې په اوکراین د روسیې د احتمالي برید په اړه په امریکا او لویدیځو هیوادونو کې اندېښنې ډیرې شوې دي. ګورمن په مسکو کې د امریکا په سفارت کې تر سفیر وروسته جګپوړی دپلومات او د ټیم مهم غړی و. هغه څه باندې درې کاله کېدل چې په مسکو کې یې ماموریت کاوه. دا لومړی ځل نه دی چې د مسکو او واشنګټن تر منځ د دپلوماتانو پر سر جنجال پیدا کیږي. دواړو هېوادونو تر دې وړاندې هم د یو بل دپلوماتان په بیلا بیلو پلمو ایستلي دي.
روسيې له مسکو څخه د امریکا د سفیر مرستیال ایستلی
Get real time update about this post categories directly on your device, subscribe now.
- Trending
- Comments
- Latest
