سرور دانش: هوکړه کې د (اسلامي امارت) کارول د اساسي قانون نقض دی

د سولې په هوکړه کې د اسلامي امارت کلمه کارول د افغانستان د ملي حاکمیت نقض دی. د ولسمشر دویم مرستیال د طالبانو او امریکا ترمنځ د سولې پر هوکړه ځینې نیوکې کړې دي. نوموړي ویلي په دغه هوکړه کې د طالبانو ډلې ته د اسلامي امارت کلمه کارول شوې ده چې دا کار د افغانستان له اساسي قانون سره په ټکر کې کړنه ده. دده په خبره دا په یو ډول د اساسي قانون نقض او د افغانستان د ملي حاکمیت تر پښو لاندې کول دي. رسنیو تر دې وړاندې هم ددغه کلمې پر سر د امریکا او طالبانو ترمنځ د اختلافاتو د موجودیت خبره کړې وه، خو بیا ویل کېدل چې ستونزه حل شوې ده او امريکا يې ديته اړ کړې چې هوکړه کې د طالبانو د تحريک پر ځای اسلامي امارت وليکل شي.