د چين د دولت رئیس شي جين پینګ د اکتوبر په ۱۴ مه په بېجینګ کې د خلکو په لوی تالار کې د مزامبیک له صدارعظمې ديلفينا ليوي سره وکتل.
ديلفينا ليوي د ښځو په نړيواله غونډه کې د ګډون لپاره بېجينګ ته راغلې ده.
شي جين پینګ په دې کتنه کې وويل، چې چين له مزامبيک څخه ملاتړ کوي، چې په خپلواکه توګه له خپل ملي وضعيت سره سمه پرمختيايي لار ومومي او خپل ملي يووالی او ثبات وساتي. هغه زياته کړه، چې چين غواړي له مزامبيک سره د حکومتونو، ګوندونو او خپلواکو تقنیني ارګانونو ترمنځ همکارۍ تقويه کړي او د ګوند مديریت او د هېواد حکومتوالۍ په اړه تجربې شريکې کړي.
هغه وويل، دواړه هېوادونه دې د چين او افريقا د همکارۍ فورم د بېجینګ سرمشريزې د لاسته راوړنو د عملي کولو په جريان کې خپلمنځي عملي همکارۍ ژورې کړي، د انرژۍ او معدني سرچينو او زيربناوو د جامعې او همغږې پرمختيا په برخه کې د همکاريو نوې لار ومومي. دغه راز په مزامبيک کې به د چيني کلتور مرکز جوړونه ګړندې کړي او د دواړو هېوادونو ترمنځ کلتوري تبادلې او د خلکو متقابل پوهاوی زيات کړي. چين دغه راز غواړي له مزامبيک سره په ګډه د نړۍ د مديريت وړانديز عملي کړي، له يواړخيزم او تسلط غوښتنې سره مخالفت وکړي او د دواړو هېوادونو او سراسري جنوب ګډې ګټې وساتي.
ليوي په دې کتنه کې د خبرو پرمهال د ښځو په نړيواله غونډه کې د رئیس شي جين پینګ وينا ډېره اغېزمنه او ارزښتمنه وبلله. دې زیاته کړه چې مزامبيک غواړي له چين سره په ګډه د دې غونډې لاسته راوړنې پلې کړي او د نړۍ د ښځو مسوولیتونه زیات کړي. نوموړې زياته کړه، چې هېواد يې د يوه چين پېژندنې پر اصل ټينګار کوي او غواړي چې د چين له پرمختيايي تجربو زده کړه وکړي او له چين سره د بېلابېلو برخو همکارۍ نږدې کړي.
هغې وويل، چې مزامبيک د چین د څلورو وړانديزونو ملاتړ کوي او د خپل پرمختګ له لارې د نړۍ د سمسورتيا او ثبات لپاره د خدمتونو له امله د چین ستاینه کوي. دا وايي چې مزامپيک غواړي چې له چين سره څواړخيزې همکارۍ پیاوړې کړي او د نړۍ د مدیريت د لاعادلانه او معقول سيسټم د جوړولو لپاره هڅې وکړي.
