د چين دولت رئيس شي جين پينګ د سپتمبر په ۵مه نېټه د ۲۰۲۵م کال لپاره د ځیرکو صنايعو نړيوال نندارتون ته د مبارکۍ پيغام وليږه.
شي جين پينګ په خپل پيغام کې وويل، چې د مصنوعي ځيرکتيا ټېکنالوژي د چټک پرمختګ په حال کې ده او د انسانانو د توليد او ژوند لارو او د نړيوالو صنايعو د جوړښت په بدلولو کې رول لري. ده زیاته کړه چې چين د مصنوعي ځيرکتيا پرمختګ او مديريت ته په درنه سترګه ګوري او د اړوندو چارو له لارې د اقتصاد او ټولنې د باکيفيته پرمختګ او د خلکو د ژوند د ښه والي په هڅه کې دی.
شي جين پينګ پر دې ټينګار وکړ، چين غواړي د مصنوعي ځيرکتيا په برخه کې د نړۍ له بېلا بېلو هېوادونو سره همکارۍ پياوړې کړي او د ځيرکو صنايعو د سالمې ودې لپاره ګډې هڅې وکړي، څو د بېلا بېلو هېوادونو خلک له اړوندو لاسته راوړنو څخه ګټې واخلي.
د ۲۰۲۵م کال لپاره د ځیرکو صنايعو نړيوال نندارتون په همدې ورځ د چين په چونګ چينګ ښار کې پرانيستل شوی.
