ملګرو ملتونو د راتلوونکو ولسمشريزو ټاکنو ترسره کېدو او د افغانانو په مالکيت او مشرۍ د سولې پروسې په برخو کې افغانستان ته د همکارۍ ډاډ ورکړ. د هېواد د بهرنيو چارو وزارت له خوا رسنیو ته په رالېږل شوې خبرپاڼه کې ويل شوي چې دغه مطلب په کابل کې د ملګرو ملتونو د ځانګړي استازي سياسي مرستيالې د بهرنيو چارو وزارت له سياسي مرستيال سره د ليدنې پرمهال څرګند کړى دى . په کابل کې د ملګرو ملتونو د ځانګړي استازي سياسي مرستيالې انګريدهيدن د نورو موضوعاتو په اړه تر بحثت وروسته د راتلوونکو ولسمشريزو ټاکنو او د افغانانو په مالکيت او مشرۍ د سولې پروسې په برخو کې د همکارۍ ډاډ ورکړى دى. د هېواد د بهرنيو چارو وزارت مرستيال په نړيوالو مسايلو کې د ملګروملتونو د استازولۍ رول مهم وباله او له مرستو يې مننه وکړه . همدارنګه سرچينه زياتوي چې د بهرنيو چارو وزارت سرپرست صلاح الدين رباني تېره ورځ په کابل کې د امريکا له سفير جان بس سره د ليدنې پرمهال له وسله والو طالبانو سره د سولې د مخامخ خبرو، د ولسمشريزو ټاکنو او د سيمې مسايلو په اړه خبرې وکړې.
ملګري ملتونه: د افغانانو په مشرۍ او مالکیت د سولې له پروسې ملاتړ کوو
Get real time update about this post categories directly on your device, subscribe now.
- Trending
- Comments
- Latest
