د هلمند په ناوې ولسوالۍ کې پر یوه ملکي موټر د ماين چاودنه شوې چې په کې درې کسان وژل شوي او دوه نور ټپيان دي. د هلمند والي وياند عمر ځواک وويل چې نن له غرمې مخکې شاوخوا ١١ بجې د ناوې ولسوالۍ په مربوطاتو کې د ملکي خلکو پر موټر د ماين چاودنه شوې ده. هغه وايي چې په دې پېښه کې درې کسان وژل شوي او د ېوې نجلۍ په ګډون دوه ماشومان ټپيان دي. ځواک زياته کړه چې دغه ماين د وسله والو طالبانو له لوري خښ شوی و. دغه راز په مرکز لښکرګاه کې د ايمرجنسي روغتون کارکوونکو وويل چې له يادې پېښې دوى ته دوه ټپيان انتقال شوي دي. وسله والو طالبانو تر اوسه په دې اړه څه نه دي ويلي.
هلمند کې ماین چاودنې درې ملکي وګړي وژلي
Get real time update about this post categories directly on your device, subscribe now.
- Trending
- Comments
- Latest
