د ملي شورا غړي وایي، د بایومټریک دستګاوې ناکامه وې او ددې دستګاوو قرارداد باید وارزول شي. د ملي شورا غړي وایي، د بایومټریک دغه دستګاوې د ټاکنو په ورځ فلج وې او په ډېرو ځایونو کې یې د ټاکنو له شفافیت سره مرسته نه ده کړې. په ورته مهال د ولسي جرګې ټاکنو یوشمېر نوماندان وایي، د بایومټریک ډیری دستګاوو د ټاکنو په ورځ کار نه کاوه او د درغلیو مخه یې ونه نیوله. ددې دستګاوو په اړه ویل کیږي د چارو ادارې پخواني رئیس او د افغانستان لپاره د دیموکراسۍ دفتر اوسني مسئول داوود نورزي یې قرارداد کړی، خو نوموړي دا مساله نه ده تایید کړې. په داسې حال کې، چې د ولسي جرګې په انتخاباتو کې د شفافیت لپاره د بایومټریک له سیستم څخه د استفادې په تړاو هیلې ډېرې وې، په ټاکنو کې له دې سیستم څخه استفادې نه یوازې د درغلیو مخه ونه نیوله بلکې ټاکنې يې دویمې ورځې ته وغځولې.د کابل نیوز د خبر له مخې ددې دستګاوو قرارداد، چې ویل کیږي، د چارو ادارې پخواني رئيس او د دیموکراسي فار افغانستان مؤسسې اوسني مسئول داوود نورزي کړی، د ملي شورا غړي وایي، د ټاکنو په ورځ یې د شفافیت خوندي کولو په هدف د پام وړ نتیجه ورنه کړه او د ټاکنو چارې یې ځنډنۍ کړې. دوی وايي، د بایومټریک سیستم د قرارداد په تړاو باید څېړنې وشي او ددې ناکامه سیستم په اړه دې له قراردادیانو وضاحت وغوښتل شي.
وکیلان: د بایومټریک دستګاو له قراردادي شرکت څخه دې پوښتنې وشي
Get real time update about this post categories directly on your device, subscribe now.
- Trending
- Comments
- Latest
