د چین د دولتي شورا مطبوعاتي دفتر د جون په ۱۷مې نېټې « د نړیوالې حکومتولۍ د لاعادلانه او معقول سیسټم جوړول: د چین مفکورې، نوښتونه او اقدامات » سپين کتاب خپور کړی دی.
دغه سپين کتاب کتونکو ته د نړيوالې حکومتولۍ د نوښت ساينسي مانا او د زمانې ارزښتونه او د نړۍ اهميت ورپېژني او د نړيوالې حکومتولۍ د سیسټم په اصلاحاتو او ابادۍ کې د چین د ونډو او لاسته راوړنو په اړه معلومات ورکوي.
په دغه سپين کتاب کې له نړيوالې ټولنې څخه غوښتنه شوې، چې د نړيوالې حکومتولۍ نوښت په ګډه پلی او د نړيوالې حکومتولۍ لاعادلانه او معقول سیسټم جوړ کړي.
په دغه سپين کتاب ليکل شوي، چين د مسئوليت منونکي لوی هېواد په توګه د بشر د ګډ برخليک ټولنې د جوړولو بیرغ پورته کړی، د رښتيني څواړخيزم د عملي کولو په رأس کې قرار لري، د نړيوالې سولې د جوړونکي، د نړيوال پرمختګ لپاره د خدمت کوونکي، د نړيوال نظم د ساتونکي او د عامه توليداتو د برابرونکي په توګه چارې ترسره کوي او د نړيوالې حکومتولۍ د لاعادلانه او معقول سيسټم په جوړولو کې فعالې هڅې کوي.
دغه سپين کتاب کې ويل شوي، چين د نړيوالې حکومتولۍ نوښت وړاندې کړی او له دې لارې غواړي، چې د نړيوالې حکومتولۍ د لاعادلانه او معقول سيسټم په جوړولو کې مرسته وکړي.
په دغه کتاب کې د ياد نوښت د پلي کېدو اصلي اقدام د ملګرو ملتونو د واک او مقام ساتنه او کليدي اقدام يې د لویو هېوادونو له لوري د مسئوليت رعايت ښودل شوی او پکې ډېر اړين کار د بېلا بېلو هېوادونو ترمنځ يووالی او همکارۍ يادې شوي او تر ټولو بېړنی کار بیا د سولې او پرمختګ په برخه کې د نیمګړتیاوو پوره کول ښودل شوې دي.
د نړيوالې حکومتولۍ له نوښت څخه څه باندې ۱۶۰ هېوادونو او نړيوالو سازمانونو ملاتړ کړی او څه باندې ۶۰ هېوادونو “د نړيوالې حکومتولۍ د دوستانو ډلې” څواړخیز پلېټفورم کې ګډون کړی دی.
