که نړۍ پرمختګ وکړي، نو چین به هم پرمخ ولاړ شي او کله چې چین ښېرازه وي، نو نړۍ به هم ورسره ښېرازه او سمسوره وي.
چین د ۱۴م پنځه کلن پلان د پلي کېدو په بهیر کې د پرمختيايي هېوادونو په شمول د نړۍ له ګڼو هېوادونو سره د ګډ پرمختګ او ښېرازۍ هڅې کړې دي.
چین د چیني شکله عصري کېدو له لارې ښې لاسته راوړنې لري، د نړیوال اقتصاد لپاره يې نوي فرصتونه چمتو کړي او د نړیوالې اقتصادي ودې انجن او د نوښت او پرمختګ سرچینې يې برابرې کړې دي.
چین په تېرو ۵ کلونو کې نړیوال اقتصاد ته خوځنده ځواک او ثبات برابر کړی دی.تمه ده، د چين د ۱۴م پنځه کلن پلان په موده کې د دغه هېواد اقتصادي وده به له ۳۵ ټریلیونو یوانو څخه پورته شي.
له ۲۰۲۱ کال څخه تر ۲۰۲۴ کال پورې، د چین د کال منځنۍ اقتصادي وده ۵ اعشاریه ۵ سلنه زیاته شوې، چې دا د نړۍ له منځنۍ سویې څخه د پام وړ لوړه ده. بر سېره پر دې، د چین اقتصادي وده د نړیوالې اقتصادي ودې لپاره د هغې ونډه شاوخوا ۳۰ سلنه نیسي، چې د نړیوال اقتصاد د ثبات لپاره يې ستر رول لوبولی دی.
چین د نړۍ دوهم لوی اقتصاد دی او هم د نړۍ تر ټولو لوی تولیدوونکی او پراخه سوداګري لري. چين د نړۍ د لګښت دویم لوی بازار او د نورو هېوادونو په پرتله د بهرنیو اسعارو لویې زېرمې لري. چین د شاوخوا ۱۵۰ هېوادونو او سیمو لوی سوداګریز ملګری دی او د ۱۴م پنځه کلن پلان په موده کې یې نړۍ ته د پانګونې او سوداګرۍ لوی بازاري فرصتونه برابر کړي دي.
د سعودي ارامکو شرکت اجرائیوي مشر ناصر رسنيو ته ويلي، چې چین د اغېزمنو ستراتیژيو پر مټ پرمختګ کوي او په نړیوال اقتصادي سیسټم کې د خدمت نمونوي رول لري.
چین په تېرو ۵ کلونو کې د نړیوال نوښت او پرمختګ لپاره پراخه فضا برابره کړې او د نوښت له پلوه په نړۍ کې له هغو هېوادونو څخه دی، چې اقتصاد يې چټکه وده کوي.
چين په ۲۰۱۲م کال کې د نړیوال نوښت په درجه بندۍ کې ۳۴م ځای درلود او دغه ځای یې په ۲۰۲۵م کال کې۱۰م مقام ته پورته شو.
چين د ۱۴م پنځه کلن پلان په موده کې د نوښتونو پر مټ نه یوازې ځان بدل کړی، بلکې د نړۍ د اسان او ځيرک ژوند لپاره یې هم د پام وړ خدمت کړی دی. چین په تېرو ۵ کلونو کې د نړۍ د ګډې سمسورتیا لپاره پوره هڅې کړي او خپله ځيرکتيا او ځواک يې ښودلی دی. د چين ـ اروپا باروړونکو اورګاډو تر دې دمه شاوخوا ۱۱۰ زره ځلې تګ راتګ کړی، چې دا د کمربند او لارې د لوړ کیفیت د ګډې ابادۍ یوه روښانه بېلګه بلل کېږي.
چین په تېرو ۵ کلونو کې د پرانیستي نړیوال قتصاد لپاره خوځنده ځواک او د بېلا بېلو هېوادونو ترمنځ د ور خلاصون، شمولیت او همکاريو لپاره پياوړی ملاتړ برابر کړی دی او د پرمختيايي هېوادونو د پرمختګ لپاره یې ډېر متنوع ډګرونه او انتخابونه وړاندې کړي دي.
چین به په راتلونکي کې هم د نړیوالو پرانیستو همکاریو او ګډ پرمختګ یو مهم هڅوونکی او د بېلا بېلو هېوادونو لپاره د سوداګریزو فرصتونو یو فعال بازار وي.
چین به یقیناً د بشر د سمسورتیا او پرمختګ لپاره کار کوي او په دې برخه کې به لویه ونډه ولري.
