ډبلیو ایف پي: افغانستان کې میلیونونه خلک د خوړو له ناامنۍ سره مخ دي

د خوړو نړیوال پروګرام(ډبلیو ایف پي) راپور ورکړی، چې په افغانستان کې شاوخوا ۹.۵ میلیونه کسان د خوړو له ناامنۍ سره مخ دي. یاد بنسټ په خپاره کړي راپور کې ویلي، چې دا شمېر ښايي په راتلونکو میاشتو کې پورته شي. یاد پروګرام ویلي چې دا مهال د راتلونکو ۶میاشتو لپاره د ۶۲۲ میلیونه ډالرو بودیجې له کمښت سره مخ دی او که دا وضعیت دوام وکړي، ښايي د روان کال له نومبر میاشتې وروسته د مرستو د وېش لړۍ په جدي توګه وځنډېږي. د راپور پر بنسټ، د دې مالي سرچینې د کمښت له کبله به د خوړو نړیوال پروګرام ونه توانېږي د راتلونکو ژمنیو بشردوستانه مرستو ټاکل شوې اته سلنه موخه عملي کړي. یاد بنسټ خبرداری ورکړی چې که اړینه مالي بسپنه برابره نه شي، ښايي د ژمي په میاشتو کې میلیونونه افغانان له لوږې او شدیدې بېوزلۍ سره مخ شي.