د چين دولت رئيس شي جين پينګ د اکتوبر د څوارلسمې په ماسپښين د اندونيزيا د ولسمشر جوکو ويدودو په بلنې له نوموړي سره ټلېفوني خبرې کړي او د دواړو هېوادونو پر اړيکو ورسره غږیدلی دی.
شي جين پينګ له خپل اندونيزيايي سیال سره په خبرو کې ويلي، چې هېواد به یې له اندونيزيا سره د کمربند او لارې د باکيفيته ګډې ابادۍ او د جاکارتا – باندونګ د چټکې رېل پټلۍ د سوداګريزې ادارې په چارو کې همکارۍ وکړي او همکارۍ به یې پراختيا ومومي او د دواړو هېوادونو خلکو ته به ګټې ورسوي.
راتلونکی کال به د باندونګ غونډې د جوړېدو له اويامې کليزې سره برابر وي.
شي جين پينګ ويلي، چين به له اندونيزيا سره د سوله ييز ګډ ژوند پنځه فقره ييز اصول او د باندونګ روحيه پراخه کړي، د پرمختيايي هېوادونو يووالی او همکارۍ به وهڅوي، د پرمختيايي هېوادونو ګډې ګټې به وساتي او د سيمې او حتی د ټولې نړۍ پرمختګ، سمسورتيا او ثبات به پياوړی کړي.
جوکو ويدودو اندونيزيا د اقتصادي پرمختګ په برخه کې د چين د خدمتونو ستاينه او مننه کړې او د جاکارتا – باندونګ رېل پټلۍ يې د کمربند او لارې په ګډې ابادۍ کې د دواړو خواوو د همکاريو نمونه بللې ده.
نوموړي باور ښودلی، چې د اندونيزيا د نوي حکومت د مشرتابه د چارو په رڼا کې به د دواړو هېوادونو د اړيکو د لا ټينګېدو وضعيت دوام ولري.
