د چين دولت رئيس شي جين پينګ او د زامبيا ولسمشر هاکاينډ هيچيلېما د اکتوبر په ۲۹مې نېټې د دواړو هېوادونو د رسمي اړيکو د ټينګېدو د ۶۰مې کليزې د لمانځنې په پار يو بل ته د مبارکۍ پيغامونه لېږلي دي.
شي جين پينګ په خپل پيغام کې ويلي، چې د چین او زامبيا رسمي اړيکو په تېرو ۶۰ کلونو کې له نړيوالو بدلونونو سره سره ګډه پرمختګ موندلی، د دواړو هېوادونو د لوړ پوړو چارواکو ترمنځ تګ راتګ زيات شوی، متقابل سياسي اعتماد يې ژور او همکاريز برياليتوبونه يې ډېر شوي، په مهمو او مرکزي مسئلو کې يې يو له بل څخه ملاتړ کړی او د دواړو هېوادونو خلکو ته يې ګټې رسولې دي.
هيچيلېما په خپل پيغام کې د زامبيا او چين د رسمي اړيکو د ټينګېدو ۶۰مه کليزه یو ډېر مهم پړاو ياد کړی او هيله يې ښودلې، چې له چيني سیال شي جين پينګ سره يو ځای د زامبيا او چين د هر فصل دوستانه او هراړخيزې ستراتيژيکې همکاريزې اړيکې په خوځښت راولي.
