عمر: د برېښنا انرژۍ د کورني تولید پر سرچېنو چټک کار روان دی

د افغانستان برېښنا شرکت عمومي اجراییوي رییس ډاکټر عبدالباري عمر ویلي، چې د برېښنا انرژۍ د کورني تولید پر سرچینو چټک کار روان دی، چې له ۷۱۹ مېلیونه ډالرو زیاته پانګونه پرې شوې ده. نوموړي زیاته کړې، د افغانستان برېښنا شرکت ټول پېرودونکي دې د برېښنا سپما ته ځانګړې پاملرنه وکړي او خپلې اړوند ستونزې دې له موږ سره شریکې کړي. عمر ویلي، له کابل څخه کندهار او له کابل څخه ننګرهار، دغه راز کابل، بامیان ته د برېښنا لېږد مزو غځونې زموږ سترې پروژې دي، چې دا ټولې زموږ د پرلپسې هڅو څرګندويي کوي، خو دا چې په تېر کې دې برخو کې کار نه دی شوی، نو اوس وخت ته اړتیا لري. نوموړي زیاته کړې، په هېواد کې د برېښنا شبکه له اول څخه غیرې معیاري او ضعیفه جوړه شوې ده، چې نشي کولی د برېښنا اوسنۍ تقاضا پوره کړي.