د نیوزیلانډ په کرایسټ چرچ ښار کې پر دوو جوماتونو په حمله کې ۴۰ تنه وژل شوي او لږ تر لږ ۲۰ تنه نور ټپیان شوي دي. د راپور له مخې دواړې پېښې نن د جمعې لمانځه پر مهال رامنځته شوي دي. د نیوزیلانډ صدراعظم جاسیند ادرن ویلي چې پولیسو تر یادې پېښې وروسته څلور تنه چې درې یې نارینه او یوه ښځه ده نیولي دي، نوموړي زیاته کړه چې یادو کسانو د سختدریزۍ افکار لرل. نوموړي دا یو تروریستي حمله بللې ده. تر پېښې وروسته په نیوزیلاند کې امنیتي تدابیر سخت شوي او د ټولو جوماتونو ته امر شوی چې خپلې دروازې وتړلي. برید پر داسې مهال شوی چې د بنګله دېش د کرکټ ملي لوبډله د جمعې لمانځه لپاره جومات ته دتلو په حال کې وه. د بنګله دېش کرکټ لوبډلې کپټان رویټرز خبري اژانس ته ویلي چې د دوی لوبغاړو ته زیان نه دی رسېدلی. پر همدې مهال په اسټرالیا کې د افغانستان سفیر وحیدالله ویسي پر خپل ټوېټر لیکلي چې په دغه برید کې یو افغان هم وژل شوی او درې نور ټپیان شوي دي.
نیوزیلاند کې پر جوماتونو برید ۶۰ تنو ته مرګ ژوبله اړولې ده
Get real time update about this post categories directly on your device, subscribe now.
- Trending
- Comments
- Latest
