د اکسوس کتاب خپرندوی لخوا د تاریخپوه علي محمد الصلابي مشهور اثر «عثماني خلافت» په پښتو ژبه چاپ او خپور شو.
دا کتاب ۵۹۲ مخونه لري او پښتو ژباړه یې ښاغلي دوکتور سید اصغر هاشمي کړې ده.
دا اثر د عثماني امپراتورۍ د رامنځته کېدو، پراختیا، سیاسي جوړښت، فکري بنسټونو او زوال د لاملونو په اړه هر اړخیز علمي او مستند معلومات وړاندې کوي.
سرچینه زیاتوي چې د کتاب د «پیلیزې اونۍ» په ترڅ کې به لوستونکو ته ځانګړی تخفیف هم ورکړل شي.
دغه اثر د عثماني امپراتورۍ د سياسي، فکري او تمدني تاریخ د مطالعې لپاره مهمه مرجع بلل کېږي.
