د ډسمبر ۱۸مه نېټه د چین په تاریخ کې یوه مهمه ورځ ده. ۴۷ کاله دمخه په همدې ورځ د چین د کمونېست ګوند ۱۱مې مرکزي کمېټې په ۳مې عمومي غونډې کې د اصلاحاتو او ورخلاصون په اړه تاریخي پرېکړه وکړه. د سږ کال په همدې ورځ د های نان ازاد سوداګریز بندر کې ځانګړې ګمرکي تګلارې پیل شوي، چې د چین د لوړ معیار ورخلاصون یو نوی پړاو په نښه کوي.
اصلاحات او ورخلاصون د چین د دوهم انقلاب په نوم پېژندل کېږي، چې هم يې چین او هم يې نړۍ بدله کړې ده.
د سي جي ټي اېن د يوې سروې شاوخوا ۹۲ اعشاریه ۲ سلنه ګډونوالو پر دې باور دي، چې د های نان د ازاد سوداګریز بندر جوړونه د چین لپاره د ورخلاصون د پراخولو او د پرانیستي نړیوال اقتصاد د جوړولو لپاره یو مهم اقدام دی.
د سروې ۹۳ سلنه ګډونوال پر دې اند دي، چې د های نان ازاد سوداګریز بندر به د چین د ورخلاصون د نوي پړاو لپاره یوه مهمه دروازه وګرځي.
کله چې د های نان د ازادې سوداګرۍ بندر کې ځانګړې ګمرکي تګلارې پیل شي، نو دغه ټاپو به د تعرفو او ګمرکي څارنې یوه ځانګړې سیمه وګرځي او د ازادې او اسانې پالیسۍ په چوکاټ کې به اداره شي.
د های نان په ازاد سوداګریز بندر کې د صفر تعرفې د محصولاتو انډول به له ۲۱ سلنې څخه ۷۴ سلنې ته لوړ شي، چې نږدې ټول تولیدي تجهیزات او خام مواد به پکې شامل وي.
د سروې ۹۳ اعشاریه ۶ سلنه ګډونوالو باور ښودلی، چې دغه ځانګړې ګمرکي تګلارې به د تصدیو لپاره تولیدي لګښتونه نور هم کم کړي او بازاري سیالۍ به يې لوړې کړي.
د سروې ۹۱ سلنه ګډونوالو ويلي، چې د تعرفو او مالیې غوره پالیسۍ به د پانګونې د ځای په توګه د های نان ازاد سوداګریز بندر جذابیت نور هم لوړ کړي.
د سروې ۹۱ اعشاریه ۵ سلنه ګډونوالو د چین د لوی بازار په اړه خوشبیني او باور ښودلی، چې دا ځانګړې ګمرکي تګلارې به د بېلا بېلو هېوادونو لپاره لازیات همکاریز فرصتونه برابر کړي.
د ورخلاصون له لارې د اصلاحاتو او پراختیا هڅول د چین د اصلاحاتو یو بریالی عمل دی. د سروې شاوخوا ۹۲ اعشاریه ۲ سلنه ګډونوالو ويلي، چې د چین اصلاحاتو او ورخلاصون ګډ پرمختګ موندلی دی او ۸۸ اعشاریه ۱ سلنه ګډونوالو يې باور ښودلی، چې د چین دوامدار ورخلاصون به د نړیوال اقتصاد د بیا رغونې او ودې لپاره ډېر حیاتي ځواک برابر کړي.
د سروې ۹۲ اعشاریه ۴ سلنه ګډونوال پر دې اند دي، چې د های نان ازاد سوداګریز بندر د اقتصاد د نړیوال کېدو په ساتنه کې د دغه هېواد هوډ او باور څرګندوي او په ورته وخت کې د سروې ۹۲ اعشاریه ۱ سلنه ګډونوالو بیا د چین د پرانیستې اقتصادي سویې د لوړولو تمه ښودلې ده.
سي جي ټي اېن یاده نظرپوښتنه په ټولنیزو رسنیو کې په انګلیسي، هسپانوي، فرانسوي، عربي او روسي ژبو ترسره کړې، چې په ۱۲ ساعتونو کې ۴۱۹۰ کسانو پکې برخه اخيستې او رایې يې ورکړي او خپل نظرونه یې شریک کړي دي.
