د ملګرو ملتونو عمومي اسمبلۍ د ډسمبر په ۱۸مه نېټه له هر ډول استعمار سره د مخالفت د لومړۍ نړيوالې ورځې يادغونډه ترسره کړې ده.
په ملګرو ملتونو کې د چين دايمي استازي فو څونګ په دغې غونډې کې ګډون او وينا کړې ده.
نوموړي ويلي، نړۍ لاهم له استعمار څخه نه ده وتلې او نړيواله ټولنه بايد له هغو ټولو خبرو او کړنو سره ټينګ مخالفت وکړي، چې د دوهم نړيوال جنګ وروسته جوړ شوي نظم ته ګواښ رسوي.
فو څونګ په خپلو خبرو کې له جاپانه غوښتي، چې د دوهمې نړيوالې جګړې د مات او ناکام هېواد په توګه پر خپلو تاريخي جنايي کړنو پښېماني وښيي، د تايوان مسئلې په اړه بايد خپلې ژمنې مراعات کړي، له پاروونکو کړنو څخه بايد لاس واخلي او خپلې ناوړې خبرې بايد بېرته واخلي.
نوموړي زياته کړې، هغه خبرې او کړنې، چې له جنګ وروسته د نړيوال نظم د چېلنج او ورانکارې موخې پکې نغښتې وي، په نړۍ کې ګډوډي رامنځته کولی شي او په خبره یې دا به انسانانو ته سخت ناورينونه او تکلیفونه ورسوي.
فو څونګ پر نړيوالې ټولنې غږ کړی، چې د داسې کړنو پر وړاندې بیداره واوسي او باید ټينګ مخالفت ورسره وکړي.
