د چین د های نان ازاد سوداګریز بندر د دسمبر په ۱۸مه نېټه په رسمي توګه فعال شو. دا په ۱۹۸۸ کال کې د های نان ولایت له جوړېدو راهیسې د ورخلاصون تګلارې د لټونې او تطبیق مرحله ییز بریالیتوب دی، او د پرانیستې او ورخلاصون د پیاوړتیا او د پرمختګ د نوي شکل د جوړونې په اړه د چین کلیدي ګام هم دی، چې د چین د اصلاحاتو او ورخلاصون په جریان کې یوه ستره ارزښتناکه پېښه بلل کېږي.
اوس د نړۍ تجارتي جوړښت د ژور بدلون په حال کې دی، د ازادې سوداګرۍ بندر په نړیوال تجارت کې مخ په زیاتېدو رول لوبوي. د های نان ازاد سوداګریز بندر د ټول ولایت د ۳۵ زرو ۴ سوو مربع کیلومترو په پراخوالی جوړ شوی او ډېر لوی دی.
د های نان د ازاد سوداګریز بندر د جوړېدو جریان یو څرګند بهیر لري. په ۱۹۸۸ کال کې های نان ولایت جوړ شو او دلته ځانګړې اقتصادي سیمه هم وټاکل شوه. ۲۰۰۹ کال کې های نان د نړیوال سیلانیز ټاپو په توګه وپېژندل شو او د خدماتو چارو پرمختګ یې هڅول شوی دی. په ۲۰۲۰ کال کې د ازاد سوداګریز بندر د جوړېدو لایحه خپره شوه او د لوړې سویې ورخلاصون شکل یې ټاکل شوی. اوس دغه ازاد سوداګریز بندر فعال شو او د دې څرګندونه کوي چې های نان په نړیوال اقتصاد کې د چین پیوستون یوه مهمه کړکۍ ګرځېدلې ده.
د های نان د ازاد سوداګریز بندر د جوړېدو له جریان څخه ښکاري چې د چین حکومت د پېچلي سیستماتیکې پروژې د بشپړېدو لپاره کافي صبر لري او ثابتې تګلارې یې پلې کړې دي.
د های نان ازاد سوداګریز بندر له بهر سره د کسانو او توکو د تګ راتګ په برخه کې یو لړ ازاد اقدامات غوره کېږي. سربېره پر دې، دغه بندر د هېواد له نورو سیمو سره هم د ادارې موثر نظم لري. په دې توګه، د دې ازاد بندر اقتصادي حیاتي ځواک او د اقتصادي چارو خوندیتوب تضمین کېږي. ویلی شوو چې دغه بندر د چین د لوړې سویې ورخلاصون تګلارې د پلي کېدو یو مهم ګام دی.
های نان ولایت د ازاد سوداګریز بندر تر څنګ د سیلانیزو چارو، عصري خدماتو او د لوړې او نوې تکنالوژۍ او ځانګړتیا لرونکو زراعتي چارو پرمختګ ته هم ډېره پاملرنه کوي. نو دغه راز های نان خپلې سرچینې پوره کاروي، بلکې د ګردې نړۍ د بازار له اړتیاوو سره هم مخ دی.
های نان د ګردې نړۍ د سیلانیزو چارو او مصرف مرکز په توګه ابادېږي، دلته د تعرفې امتیازي تګلارې پلې کېږي او د درملنې او روغتیايي چارو په شمول د لوړې سویې دومداره نوې چارې هم پیل شوې دي. سربېره پر دې، های نان د هېواد د بیولوژیکي تمدن ازمويښتي سیمې په حیث پر زرغون پرمختګ ټینګار کړی او کوي یې، د صنعتي چارو لپاره یې بیولوژیکي سره کرښه وټاکله او د هغو چارو پرمختګ یې هڅولی چې د انرژۍ لګښت یې ټیټ دی او ګټې یې زیاتې دي.
های نان د دې لپاره کوښښونه کوي چې په نړۍ کې د پرمختګ او ساتنې د یو ځای ترسره کېدو لایحې وړاندې کړي.
های نان د وړ کسانو د راجلبولو په برخه کې د مالیاتو امتیازي تګلارې او د وړیا ویزې په مټ د نړۍ ګڼ شمېر ماهر کسان راجلب کړي دي.
د بېلګې په توګه، د امریکا ډاکټر چې ځان لپاره یې ( شن يي یانګ) چیني نوم ټاکلی، په های نان کې لسګونه کاله ژوند او کار کړی، د ده مېرمن هم دلته یو کافي شاپ لري. دوی هان نان خپل دوهم ټاټوبی بولي.
په داسې حال کې چې د نړۍ عنعنوي ازاد سوداګریز بندرونه د شکلي بدلون له فشار سره مخ دي، د های نان د ازاد سوداګریز بندر فعالېدل د نړیوال اقتصاد او سوداګرۍ لپاره نوی خوځنده قوت برابر کړی دی. هغه نه یوازې د چین د نورو ازادو سوداګریزو سیمو لپاره یوه نمونه جوړه کړې، بلکې په نوې زمانه کې د نړیوال کېدو لپاره یوه پرانیستې، ټولشموله او دوامداره لار یې جوړه کړې ده.
