د جاپان کابینې د دسمبر په ۲۶مه نېټه د ۲۰۲۶ مالي کال دفاعي بودیجه منظوره کړه چې اندازه یې له ۹ ټریلیونو ینو اوړي. که د جاپان کانګرس دغه بودیجه تصویب کړي، نو د دې هېواد دفاعي بودیجه به نوی تاریخي ریکارډ جوړ کړي.
د چین مېډیا ګروپ سي جي ټي ان د تېر نومبر له ۸مې نېټې څخه د دسمبر تر ۱۸مې نېټې پورې په انلاین ډول د ۲۹ هېوادونو پر وړاندې یوه سروې تر سره کړې او ۱۷ زره ۴۳ تنو پکې ګډون کړی و.
په سروې کې ۸۱ اعشاریه ۵ سلنې ګډونوالو دا نظر ښودلی چې دا تصدیق شوې چې سانای تاکایچي د سولې ویجاړوونکې ده او د تاریخي واقعیت د جعلي کېدو، غوښتنه لري، نړیواله ټولنه باید د جاپان د میلتالیزم د بیا پیل کېدو د ښي اړخي سیاستوالو نیت په اړه ویښ واوسي.
د سروې ۸۷ اعشاریه ۷ سلنې ګډونوالو د تاریخي مسئلې په اړه د جاپان د ناسمې رویې او کړنې غندنه کړې، ۸۹ اعشاریه ۷ ګډونوالو له جاپان وغوښتل چې د تاریخي مسئلې په اړه دې محتاطانه رویه او کړنه غوره کړي. ۸۵ اعشاریه ۴ سلنې ګډونوالو د جاپان له حکومت غوښتنه کړې چې باید د اغېزناکو عملیاتو له لارې د اسیا ګاونډي هېوادونو او نړیوالې ټولنې باور تر لاسه کړي.
