امريکا يو ځل بيا پر تايوان د څه باندې ۱۱ ميليارډه امريکايي ډالره وسلو او پوځي تجهيزاتو د پلورلو ليست خپور کړ چې نړيوالې ټولنې پرې اندېښنه څرګنده کړې ده. د چين ميډيا ګروپ سي جي ټي اين په سراسر نړۍ کې د انترنيټ کاروونکو ترمنځ يوه سروې ترسره کړې چې پايله يې ښيي، د سروې ۹۰ سلنه ګډون کوونکي دا پېښه جنګي کرښې ته د تايوان خلکو د نږدې کېدو سبب بولي.
په دې ورځو کې په تايوان کې د دغې سيمې د ادارې مشر لای چينګده د استیضاح مسوده تصويب شوې او په انترنېټ کې کابو ۸ ميليونه تنو په خپلولاسليکونو سره له دغې مسودې څخه ملاتړ څرګند کړی دی. د سي جي ټي اين سروې د ۸۶.۹ سلنه ګډون کوونکو په اند، له دې څخه د لای چينګده پر اړوندو کړنو د عامو خلکو سخته ناخوښي او مخالفت څرګند شوی دی. د سروې ۸۹.۴ سلنه ګډون کوونکي د تايوان له ادارې څخه غوښتنه کوي چې د جنګ پر ځای د سولې ، د اقتصاد د شاتګ پر ځای د پرمختګ، د بېلتون پر ځای د تګ راتګ، د مقابلې پر ضد د همکارۍ د هڅولو په اړه د عامو خلکو نظريو ته مثبت ځوابونه ورکړي، پاروونکي عملونه دې بند کړي او د تايوان تنګي حالت د ترينګلتيا مخه دې ونيسي.
