سي ار ایس ایس: ۲۰۲۵ کال د پاکستان لپاره تر ټولو مرګونی کال وو

د پاکستان د څېړنیزو مطالعاتو او امنیت مرکز (سي ار ایس ایس) راپور ورکړی چې ۲۰۲۵ میلادي کال د پاکستان لپاره په وروستۍ یوه لسیزه کې تر ټولو مرګونی کال وو. په راپور کې ویل شوي چې دغه کال کې د تاوتریخوالي زیاتېدو کچه نژدې ۳۴ سلنه وه. د یاد بنسټ د مالوماتو له مخې، پاکستان د پرلپسې پنځم کال لپاره د تاوتریخوالي زیاتېدو شاهد دی، داسې چې ۲۰۲۱ کال کې د تاوتریخوالي زیاتېدو کچه ۳۸ سلنه، ۲۰۲۲ کال کې څه باندې ۱۵ سلنه، ۲۰۲۳ کال کې نږدې ۵۶ سلنه، ۲۰۲۴ کال کې نږدې ۶۷ سلنه او ۲۰۲۵ کال کې ۳۴ سلنه ثبت شوې. سرچینې ویلي، چې په دغو بریدونو کې ۳ زره او ۴۱۷ کسان وژل شوي او ۲ زره او ۱۳۴ نور ټپیان شوي