کرنې وزات: زرګونه جریبه دولتي ځمکه پانګوالو ته په کرایه ورکړل شوه

د کرنې، اوبولګولو او مالدارۍ وزارت په خپره کړې خبر پاڼه کې ویلي، چې د حکومتي ځمکو د اجارې ورکولو د قانون له مخې، د دغو ځمکو د سپارلو بهیر په رسمي ډول پیل شوی او په لومړي پړاو کې ۷۲ زره او ۲۵۰ جریبه حکومتي ځمکه پانګه‌والو او سوداګرو ته په اجاره ورکړل شوه. د کرنې، اوبو لګولو او مالدارۍ وزیر مولوي عطاء الله عمري، د ځمکو  رییس مولوي محمود مظلوم او د کرنې وزارت د یو شمېر رییسانو او اجاره ورکوونکو په شتون کې د کرنې وزارت په مقر کې د اجارې  تړونونه لاسلیک شول. مولوي عطاءالله عمري د دغو مراسمو پر مهال وویل، چې د امارتي ځمکو اجاره ورکول تر دې وړاندې د قانون د نشتوالي له امله ځنډېدلي وو، خو اوس د اجارې ورکولو د قانون له تدوین او منظوری وروسته د پانګونې لپاره زمینه برابره شوې ده.