فطرت: فرضي کرښې ته نژدې د پاکستان جنایتونه او بریدونه دوام لري

د ا.ا مرستیال ویاند حمدالله فطرت پر خپله اېکس پاڼه لیکلي، چې له پاکستاني لوري سره پر فرضي کرښه پرتو ولایتونو کې د پاکستان د نظامي رژیم جنګي جنایتونه او بریدونه لا هم دوام لري. نوموړي ویلي، چې د پکتیا ولایت پټان ولسوالۍ، کوټ کلي کې تېره شپه د فرضي کرښې په اوږدو کې د پاکستان فوځي رژیم د هاوان مرمۍ چې د یوه ملکي وګړي پر کور لګېدلې ۳ تنه یې شهیدان او ۳ تنه یې ټپیان کړي دي. فطرت زیاته کړې، چې پاکستاني پوځي رژیم د پکتیکا، خوست او نورستان ولایت په ځینو سیمو هم لسګونه د هاوان مرمۍ ویشتلې دي، چې له کبله یو شمېر ملکي وګړو ته ځاني او مالي زیانونه اړولي دي.